Қобда көпсалалы колледжінің арнайы пәндер оқытушысы Койбагаров Тимур Истурганович «ERG колледждер үшін» жобасы аясында өткен «Колледждер альянсының үздік педагогы» байқауының жеңімпазы атанып, Қытай Халық Республикасының Шаньси провинциясында «ERG көмек» корпоративтік қоры ұйымдастырған шетелдік тәжірибеден өтті.

Бұл тәжірибе алмасу шарасы Тимур Истургановичтің кәсіби дамуына және жаңа білім беру әдістерін меңгеруіне ықпал етті. Шетелде өткен тәжірибе барысында ол инновациялық педагогикалық әдістермен танысып, білім беру жүйесінде заманауи тәсілдерді қолдану жолдарын үйренді.